Республикада кылмыштардын саны төмөндөшү катталды
Publications: 04.08.2022
Кыргыз Республикасынын Башкы прокуратурасынын маалыматы боюнча, 2022-жылдын январь-июнунда республиканын аймагында 23,3 миң кылмыш катталган, алардын саны 2021-жылдын январь-июнуна салыштырмалуу 0,7%га төмөндөгөн. Мында кылмыштардын басымдуу саны (алардын жалпы санынын 63%дан ашыгы) Бишкек шаарында жана Чүй облусунда жасалган.
Оор жана өзгөчө оор кылмыштардын саны дээрлик 30%га төмөндөдү.
Кылмыштардын негизги бөлүгү (73%дан ашыгы) жеке менчикке каршы кылмыштар болду. 2021-жылдын январь – июнь айларына салыштырмалуу алардын саны республика боюнча дээрлик 12%га өстү, бул негизинен уурулуктун 1,4 эсеге, каракчылыктын - 15%га жана тоноонун 5% көбөйүшү менен шартталган. Муну менен бирге, опузалап талап кылуу 2,5 эсеге жана алдамчылык фактыларынын саны– дээрлик 24% азайганы катталды.
Жалпы республика боюнча жеке адамга каршы кылмыштардын саны өткөн жылдын январь-июнь айларына салыштырмалуу 1,4 эсеге көбөйдү. Муну менен катар зордуктоо жана зордуктоого аракет кылуу 1,9 эсеге, ден соолукка оор зыян келтирүү – 4,4%га жана киши өлтүрүү учурларынын саны - 2,1%га төмөндөдү.
Баңги заттарды мыйзамсыз жүгүртүүгө байланышкан кылмыштардын санынын дээрлик 23%га көбөйгөн. Мындай кылмыштардын эң чоң үлүшү (62%га жакыны) баңги заттарды сатып өткөрүү максатында сактоо менен байланышкан жана 32%га жакыны - баңги заттарды сатууну максат кылбастан сактоо менен байланышкан.
2022-жылдын январь-июнунда коомдук жайларда жасалган бир миңден ашык кылмыш иши катталды, алардын ичинен эң көп саны уурулук (39%), ээнбаштык (17%) жана тоноо (9%) учурларына туура келди.
Кылмыштардын санынын кыйла төмөндөшү Ысык-Көл (33,7%), Талас (24,1%) жана Ош (18,4%) облустарында белгиленди.
Январь-июнунда катталган кылмыштардын аймактар боюнча саны
|
|
Бардык-учурлар |
Мурунку жылдын тийиштүү мезгилине карата пайыз менен |
||
|---|---|---|---|---|
|
2021 |
2022 |
2021 |
2022 |
|
|
Кыргыз Республикасы |
23 493 |
23 334 |
146,5 |
99,3 |
|
Баткен облусу |
734 |
777 |
128,1 |
105,9 |
|
Жалал-Абад облусу |
1 699 |
1 806 |
132,3 |
106,3 |
|
Ысык-Көл облусу |
2 055 |
1 363 |
235,7 |
66,3 |
|
Нарын облусу |
570 |
513 |
129,0 |
90,0 |
|
Ош облусу |
1 877 |
1 532 |
146,2 |
81,6 |
|
Талас облусу |
584 |
443 |
141,1 |
75,9 |
|
Чүй облусу |
4 286 |
4 915 |
137,2 |
114,7 |
|
Бишкек ш. |
10 140 |
9 979 |
141,8 |
98,4 |
|
Ош ш. |
1 546 |
1 994 |
173,3 |
129,0 |
Үстүбүздөгү 1-жарым жылдыгында кылмыш жасаган 10,4 миңден ашык адам аныкталган, бул өткөн жылга салыштырмалуу 22%га аз. Алардын жалпы санынын ичинен аялдар 14%га жакын, жашы жете электер 9%га жакын, ал эми кылмыш жасаган адамдардын жарымынан көбү эч жерде иштеген эмес жана окуган эмес.
_______________________________________
Социалдык статистика бөлүмү e-mail: rakhmanovazz@mail.ru e-mail: social-nsc@mail.ru тел.+996(312) 32 46 52
Пайдалануучулар расмий статистиканын маалыматтарын жана тиешелүү метамаалыматтарды пайдаланууда алардын булагына шилтеме көрсөтүүгө милдеттүү («Расмий статистика жөнүндө» Кыргыз Республикасынын Мыйзамынын 30-беренеси).
