ПРЕСС-АНОНС: 2023-жылдын январь-май айларындагы Кыргыз Республикасынын социалдык-экономикалык абалынын жыйынтыктары

Басылмалардын датасы: 09.06.2023

Улуттук статистика комитети ай сайын айдын биринчи декадасында пресс-конференция өткөрөт, анын башкы максаты республиканын социалдык-экономикалык абалы жөнүндө коомдун маалымдуулугун жогорулатуу болуп саналат.

Алдыдагы маалымат жыйындын жүрүшүндө Улутстаткомдун кызматкерлери пресс-конференциянын катышуучуларына 2023-жылдын январь-май айларындагы Кыргыз Республикасынын социалдык-экономикалык абалынын жыйынтыктары жөнүндөгү маалыматтар менен бөлүшүп, ИДПнын көрсөткүчтөрүн УЭТ-2008 боюнча эсептөөнүн эл аралык стандарттарына өтүү, 2022-жылдагы кызматкерлердин орточо айлык номиналдык эмгек акылары жөнүндө маалымат беришип, Кыргыз Республикасынын калкынын 2022-жылдагы социалдык жактан камсыз болушунун негизги көрсөткүчтөрү тууралуу баяндашат..

Өтө турган убактысы: 2023-жылдын 10- июньда, башталышы саат 11:00

Өтө турган жери: Улуттук статистика комитети, 720033, Кыргыз Республикасы, Бишкек шаары, Фрунзе көчөсү 374, пресс-борбор (1-кабат).

Баяндамачылар:

• Жумалиев Зайнидин Калидинович – Кыргыз Республикасынын Улуттук статистика комитетинин төрагасынын орун басары;
• Исенкулова Эльвира Казакбаевна – экономикалык статистика жана улуттук эсептер башкармалыктын начальниги;
• Жайлобаева Гүльнара Жылкычиевна – эмгек жана жумуш менен камсыздоо статистикасы бөлүмүнүн башчысы;
• Рахманова Жылдыз Жалиловна - социалдык статистика бөлүмүнүн башчысы.

Интервью (зарылдыгын көрсөтүү керек) уюштуруу маселелери боюнча кененирээк маалымат алуу үчүн Улутстаткомдун басма сөз кызматына кайрылыңыздар: тел.: 62-57-47, уюлдук тел.: 0(700) 79-53-54, Тукашева Айзада. e-mail: smi_nsc @ stat.kg

Катышууну (зарылдыгын көрсөтүү керек) тастыктоо үчүн e-mail: smi_nsc @stat.kg дарегине жазыңыздар.

****

Республиканын эң маанилүү мамлекеттик маалыматтык системасы болуп саналган Кыргыз Рекспубликасынын Улуттук маалыматтык-статистикалык системасы рыноктук экономиканын заманбап талаптарына жооп берет, мамлекеттик бийлик органдарын жана коомчулукту республиканын социалдык, экономикалык, демографиялык жана экологиялык абалы жөнүндө керектүү маалымат менен камсыз кылат. 

Пайдалануучулар расмий статистиканын маалыматтарын жана тиешелүү метамаалыматтарды пайдаланууда алардын булагына шилтеме көрсөтүүгө милдеттүү ("Расмий статистика жөнүндө" Кыргыз Республикасынын Мыйзамынын 30-беренеси).